ГУРӮҲИ ТАШВИҚОТИИ АГЕНТИИ НАЗОРАТИ МАВОДИ НАШЪАДОР ДАР ВМКБ

            Душанбе, 13 сентябр. (АМИТ «Ховар»,Мавҷуда Давлатзода). — Гурӯҳи ташвиқотии Агентии назорати маводи нашъадори назди Президенти Ҷумҳурии Тоҷикистон бо мақсади амалӣ сохтани барномаи тадбирҳои пешгирии истеъмоли маводи нашъадор, паҳн гардидани он ва пурзӯр намудани мубориза ба муқобили нашъамандӣ ба шаҳру ноҳияҳои Вилояти Мухтори Кӯҳистони Бадахшон фиристода шуд. Мухбири АМИТ «Ховар» хабар медиҳад, ки барнома гузаронидани тадбирҳои маърифатию пешгирикунанда, ташвиқу тарғиби тарзи ҳаёти солим, амалӣ сохтани тадбирҳои пешгирикунандаи истеъмоли маводи нашъадор ва ғайраро пешбинӣ менамояд. Барнома дар асоси дастуру супоришҳои Президенти ҷумҳурӣ тартиб дода шудааст, ки зимни сафарҳояш ба ВМКБ дода буд.           Аъзои гурӯҳи ташвиқотӣ дар давоми се ҳафта ба ҳамаи маҳалҳои аҳолинишини вилоят сафар карда, дар байни аҳолӣ корҳои ташвиқотӣ мебаранд. Ба гурӯҳ мутахассисони Агентии назорати маводи нашъадор, духтурон, намояндагони вазорату идораҳо, воситаҳои ахбори оммавӣ ва ҳунарпешагон шомиланд.                                                                                                                                          Тарҷумон — Қудратов А.