ХОҶАГИИ ДЕҲҚОНИИ «БЕДИЛ»

Душанбе, 10 сентябр. (АМИТ «Ховар», Лаззат Диловарзод).- Бино ба иттилои Раёсати кишоварзии ноҳияи Файзобод шумораи хоҷагиҳои деҳқонӣ сол аз сол зиёд мегардад ва онҳо дар ғанӣ гардони- дани иқтисодиёти кишвар саҳми бештаре мегузоранд. Хоҷагии деҳқонии «Бедил», ки дар деҳаи Мӯъминободи ноҳияи Файзобод бунёд ёфтааст 5- сола шуд. Хоҷагӣ дар масоҳати 0,5 гектар боғ, дар 3 гектар ғалла дар як гектар картошка ва дар 0,5 гектар сабзавот кишт намуда, аз ҳар як гектар 15,3 сентнерӣ ғалла ,- 250 сентнерӣ картошка ва 70 сентнерӣ ҳосили сабзавот ҷамъоварӣ намуд, ки ин дар миқёси ноҳия ҳосили баланд аст. Сардори хоҷагии мазкур Қувват Раҳмонов аз ҳисоби маблағи ба даст овардааш собиқадорони ҷангу меҳнат, ниёзмандон ва омӯзгорони деҳаашро дастгирӣ намуда, дар ободии диёр саҳмгузорӣ мекунад.