ИҶРОИ КОРҲОИ ПУДРАТӢ

Душанбе, 23 сентябр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, ташкилотҳои пудратии ҷумҳурӣ дар ҳашт моҳи соли ҷорӣ бо қувваи худ 750288,2 ҳазор сомонӣ корҳои пудратиро иҷро карданд, ки ин нисбат ба ҳамин давраи соли 2007 263326,3 ҳазор сомонӣ зиёд аст. Ҳаҷми асосии корҳои пудратиро ташкилотҳои сохтмонии Агентии сохтмон ва меъмории назди Ҳукумати Ҷумҳурии Тоҷикистон ба маблағи 83851,6 ҳазор сомонӣ ё 11,2% , Вазорати мелиоратсия ва захираҳои обӣ ба маблағи 16608,5 ҳазор сомонӣ ё 2,2%, Вазорати нақлиёт ва коммуникатсия ба маблағи 2433,8 ҳазор сомонӣ ё 0,3% иҷро намуданд.