ИСТЕҲСОЛИ ГӮШТИ МОҲӢ

Душанбе, 16 сентябр, (АМИТ «Ховар», Лаззат Диловарзод).-Зимистони сипаришуда барои хоҷагиҳои моҳипарварӣ талафоти зиёд дод. Айни замон дар назди корхонаи воҳиди давлатии «Моҳии Тоҷикистон» 8 хоҷагии моҳипарварӣ ва 10 хоҷагии хурду калони ба парвариши моҳӣ машғул ба қайд гирифта шудааст. Боиси зикр аст, ки соли ҷорӣ дар натиҷаи хунукиҳои сахти зимистони сипаригардида шумораи зиёди моҳӣ талаф ёфт, аммо ин моҳипарваронро ноумед накард. Корхонаҳои моҳипарварӣ аз тамоми имкониятҳои мавҷуда истифода намуда, истеҳсоли моҳиро нисбат ба соли 2007 як маротиба зиёд намуданд. То 5 сентябри соли ҷорӣ истеҳсоли моҳӣ дар ҷумҳурӣ ба 80 тонна расонида шуд, ки ин ба 110,4 фоизи иҷрои нақшаи солона баробар мебошад.