ИСТЕҲСОЛИ ШИР МЕАФЗОЯД

Душанбе, 23 сентябр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, истеҳсоли шир дар ҳамаи шаклҳои хоҷагидории ҷумҳурӣ рӯ ба афзоиш аст. Ҳаҷми умумии истеҳсоли шир давоми моҳи январ- августи соли ҷорӣ ба 335 ҳазору 764 тонна расонида шудааст, ки ин нисбат ба ҳамин давраи соли 2007 — 4,3 фоиз зиёд аст. Тибқи маълумоти ҳамин манбаъ, истеҳсоли шир дар хоҷагиҳои аҳолии вилояти Мухтори Кӯҳистони Бадахшон – 16,3%, вилояти Хатлон- 5,5 %, вилояти Суғд 4,0%, зиёд шуд. Таносуби шири истеҳсолшудаи хоҷагиҳои аҳолӣ дар ҳаҷми умумӣ 91,5 % — ро ташкил медиҳад. Ба тарзи дигар, истеҳсолкунандаи шир асосан хоҷагиҳои аҳолӣ маҳсуб мешаванд. Танҳо 8 фоизи шири истеҳсолкардашуда дар ҷумҳурӣ ба хоҷагиҳои ҷамъиятӣ рост меояд.