МАҶЛИСИ ШӮРОИ БАЙНИДАВЛАТИИ ИДМ

Душанбе, 22 сентябр. (АМИТ «Ховар», Наргис Бояхмедова).- Аз 22 то 27 сентябри соли равон дар шаҳрҳои Лвов ва Мукачево маҷлиси 28 – уми Шӯрои байнидавлатии ИДМ бахшида ба геодезия, харитасозӣ, кадастр ва таҳқиқи замин баргузор мегардад. Дар он рафти иҷрои қарорҳои маҷлиси гузаштаи 27 Шӯрои байнидавлатӣ муҳокима карда мешавад. Иштирокчиёни маҷлис ҳисоботро дар бораи ҷараёни иҷрои барномаи байнидавлатии стандартизатсия ва таъминоти метрологии таҳқиқоти топографию геодезӣ ва харитасозиро то соли 2015, натиҷаҳои маҷлиси 7 – уми гурӯҳи кории Шӯрои байнидавлатиро дар масъалаи номҳои ҷуғрофӣ ва технологияи геодезию харитасозиро баррасӣ менамоянд.