МИНАКОБ МАҶРӮҲ ШУД
Душанбе, 3 сентябр. (АМИТ «Ховар», Мавҷуда Давлатзода).- Муовини сардори Маркази Тоҷикистон оид ба масъалаҳои минаҳо Парвиз Мавлонқулов ба мухбири АМИТ «Ховар» хабар дод, ки субҳи 1 сентябр дар ҷараёни кори минакобон дар майдони миназори №5, воқеъ дар ағбаи Хабурободи ноҳияи Дарвоз таркиш ба амал омад. Дар натиҷаи таркиш минаҷӯй Нуриддин Мавлонназаров аз пойҳояш маҷрӯҳ шуд. Баъди расонидани ёрии таъҷилии тиббӣ маҷрӯҳ фавран ба беморхонаи Сағирдашт фиристода шуд. Ҳамон рӯз барои тафтиши ин воқеа комиссияи махсус таъсис дода шуд. Вазъи саломатии Н. Мавлонназаров айни ҳол хуб аст ва зери назорати табибон қарор дорад. Имрӯзҳо амалиёти безарарсозии минаҳо дар ноҳияҳои Дарвоз, Ванҷ ва ноҳияи Шӯробод давом дорад. Соли ҷорӣ минакобон майдони миназори масоҳаташ зиёда аз 430 ҳазор метри мураббаъро тоза карданд. Аз оғози иҷрои барномаи безарар гардонидани минаҳо дар Тоҷикистон, яъне аз соли 2003 масоҳати 1 миллиону 650 ҳазор метри мураббаъ замин аз мина тоза карда, зиёда аз 8100 мина безарар гардонида шуд.
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
