МУЛОҚОТ ДАР ВАЗОРАТИ МОЛИЯ

Душанбе, 15 сентябр. (АМИТ «Ховар», Покиза Маҳмадбекова). – Вазири молияи Ҷумҳурии Тоҷикистон Сафаралӣ Наҷмиддинов имрӯз бо аъзои гурӯҳи кории Бонки ҷаҳонӣ таҳти роҳбарии иқтисодчии калони бонки мазкур Судоршон Канагарадҷа мулоқот кард. Аз дафтари матбуоти вазорати мазкур ба мухбири АМИТ «Ховар» хабар доданд, ки дар ҷараёни мулоқот ҷонибҳо се масъалаи муҳим, аз ҷумла, ҳамкории дуҷониба дар чорчӯбаи барномаи кӯмакҳои бебозгашт, ҷамъбасти ду барномаи хароҷоти давлатии гузашта ва ҳалли баъзе масъалаҳо дар чорчӯбаи меморандуми ҳусни тафоҳум мавриди баррасӣ қарор гирифтанд.