МУЛОКОТИ ЭМОМАЛИ РАҲМОН БО СЕРГЕЙ НАРИШКИН

 Президенти Ҷумҳурии Тоҷикистон Эмомалӣ Раҳмон Роҳбари Маъмурияти Президенти Федератсияи Россия Сергей Наришкинро, ки чун сарвари ҳайати расмии ин давлат баҳри иштирок дар Форуми сеюми зиёиёни эҷодкор ва илмии кишварҳои аъзои Иттиҳоди Давлатҳои Мустақил  ба шаҳри Душанбе омадааст, ба ҳузур пазируфт.Дар вохўрӣ масоили ҳамкориҳои дуҷониба ва бисёрҷонибаи Тоҷикистону Россия ва мавзўъҳои Форуми мазкур баррасӣ шуд.Таваҷҷўҳи махсус ба рафти иҷрои тавофуқоте зоҳир гардид, ки ҳангоми сафари расмии Президенти Федератсияи Росси Дмитрий Медведев ба Тоҷикистон рўзи 29 августи соли равон  ба даст омада буд, аз ҷумла ба масоили ҳамкории бунёдии иқтисодии ду кишвар дар соҳаҳои гидроэнергетика, истихроҷи газу нафт ва дигар канданиҳои фоиданок зоҳир гардид.Аз рафти сохтмони нерўгоҳи обии Сангтўда-1, ки то охири соли равон бояд ба анҷом расад, созишҳои дуҷониба оид ба сохтмони се нерўгоҳи миёнаиқтидори обии дигар дар ҳудуди Тоҷикистон ва аз омодагии ҷониби Россия баҳри иштирок дар сохтмони нерўгоҳи азими Роѓун изҳори қаноатмандӣ карда шуд.Рушди ҳамкориҳои илмӣ фарҳангӣ ва маърифатӣ низ аз мавзўъҳои сўҳбат буд. Мусоҳибон аз омодагии ҳарду ҷониб баҳри кушодани филиалҳои се муассисаи олии таълимии Россия дар Тоҷикистон ва дигар тадбирҳои муштарак изҳори қаноатмандӣ карданд.Изҳори боварӣ карда шуд, ки Форуми сеюми зиёиёни эҷодкор ва илмии кишварҳои аъзои Иттиҳоди Давлатҳои Мустақил   ба дарёфти роҳҳои наву судбахши ҳамкориҳои илмию фарҳангӣ ва техникию технологӣ муваффақ шуда, аз худ нақши муҳим мегузорад.Хотиррасон мекунем, ки Форуми мазкур пагоҳ дар бўстонсарои Ҳукумати Ҷумҳурии Тоҷикистон, воқеъ дар ноҳияи Варзоб ба кори худ шурўъ намуда, ду рўз идома меёбад.