ПӮШОНИДАНИ ЗАРАР

Душанбе, 10 сентябр. (АМИТ «Ховар», Лаззат Диловарзод).- Тибқи маълумоти фаврии аз Раёсат растанипарварии Вазорати кишоварзӣ бадастомада, кишти такрории зироатҳо бо мақсади пӯшонидани зарари аз хунукӣ ва хушксолӣ ба соҳаи кишоварзӣ расида, зиёд карда шуд. Кишоварзон дар масоҳати 15 ҳазору 310 гектар зироатҳои ғалладонагӣ , 11 ҳазор гектар картошка, 1162 гектар сабзавот , 786 гектар полезӣ ва 297 гектар зироатҳои техникӣ ва дар масоҳати 12 ҳазору 58 гектар зироатҳои хӯроки чорво кишт намуданд, ки ин нисбат ба соли 2007 19 ҳазору 661 гектар зиёд аст. Хоҷагиҳо боварӣ доранд, ки зарари аз хунукии зимистони соли 2008 ва хушксолии соли ҷорӣ ба соҳаи кишоварзӣ расидаро бо ҷамъоварии ҳосили дуюм пӯшонда метавонанд.