СӮХТОР БАР АСАРИ САДАМАИ МОШИНҲО

Душанбе, 24 сентябр. (АМИТ «Ховар», Мавҷуда Давлатзода). – Ронандаи микроавтобуси тамғаи «Хафей», сокини 19 – солаи пойтахт Шӯҳрат Усмонов дар кӯчаи Абдураҳмони Ҷомӣ ба қоидаҳои ҳаракати роҳ риоя накарда, ба мошини боркаши Камаз бархӯрд, ки дар канори роҳ гузошта шуда буд. Дар натиҷаи ба ҳамдигар бархӯрдани мошинҳо сӯхтор ба амал омад. Бар асари сӯхтор ду мошини дар маҳалли воқеа гузошташуда низ даргирифт. Гурӯҳи сӯхторхомӯшкунандагон сари вақт ба маҳалли воқеа омада, сӯхторро хомӯш карданд. Дар натиҷаи ин фалокат касе осеб надидааст. Мақомоти дахлдор гунаҳкори садамаи нақлиётро муайян менамоянд.