ШАҲРИТӮС ДАР САФИ АВВАЛ

           Душанбе, 2 сентябр. (АМИТ «Ховар», Лаззат Диловарзод).- Бино ба маълумоти Раёсати кишоварзии ноҳияи Шаҳритӯс аз аввали мавсим 2940 тонна пахта ҷамъоварӣ гардид. Хоҷагиҳои пахтакори ноҳия ҳар рӯз ба миқдори 332-340 тонна пахта ҷамъ меоранд. Ҳоло ноҳияи Шаҳритӯс дар вилояти Хатлон дар сафи аввал аст. Ноҳияи Бохтар бошад дар ин вилоят аз аввали мавсим 220 тонна пахта ҷамъоварӣ намудааст. Ноҳияи Қубодиён дар вилоят дар қатори пешсафон ҳар рӯз ба хирмани «Пахта 2008» 120-130 тонна пахта ворид мекунад. Ноҳияи Ҷаллолиддини Румӣ бошад дар ин вилоят то имрӯз 1232 тонна пахта ҷамъ овардааст, ки он ҳам дар қатори ноҳияҳои пешқадами минтақаи Қурғтеппаи вилояти Хатлон қарор дорад.