ТЕХНИКАИ КИШОВАРЗӢ БА НОҲИЯҲОИ ВМКБ

Душанбе, 15 сентябр. (АМИТ «Ховар», Пайрав Назаров).- Дар давоми чанд рӯзи охир ба баъзе ноҳияҳои Вилояти Мухтори Кӯҳистони Бадахшон навъҳои гуногуни техникаи кишоварзӣ фиристода шуд. Аз ҷумла ноҳияҳои Дарвоз, Ванҷ , Ишкошим, Шуғнон, Рӯшон, Роштқалъа, Мурғоб ва шаҳри Хоруғ навъои гуногуни трактор ва техникаи дигар гирифтанд. Умуман ба ноҳияҳои вилоят 41 адад техника сафарбар карда шуд. Мухбири АМИТ «Ховар» хабар медиҳад, ки тибқи дастури мақомоти дахлдор ба ноҳияҳои Дарвозу Ванҷ, Ишкошиму Шуғнон ва Рӯшон 6 тракторӣ, ба ноҳияи Роштқалъа 5 трактор, ба ноҳияи Мурғоб ва шаҳри Хоруғ 3 тракторӣ фиристода шуд.