ВОХӮРӢ БО НАМОЯНДАГОНИ СОЗМОНИ БАЙНАЛМИЛАЛИИ ЭПИЗОТӢ

              Душанбе, 2 сентябр. (АМИТ «Ховар», Лаззат Диловарзод.- Рӯзи 31 августи соли ҷорӣ вазири кишоварзии ҷумҳурӣ Қосим Қосимов бо намояндаи Созмони байналмилалии эпизотии Давлатҳои минтақаи Европаи Шарқӣ ҷаноби Белев Никола ва котиби ҳамин созмон хонум Рима Костова мулоқот намуд. Қосим Қосимов барои кӯмакҳои пайвастаи ин созмон ба меҳмонони олиқадр изҳори сипос намуд. Ҷаноби Белев дар навбати худ аз амалӣ шудани нақшаи созмон оид ба пешгирии бемориҳои ҳайвонот дар ҷумҳурии Тоҷикистон, ки дар асоси тавсияҳои Созмони байналмилалии эпизотӣ сурат гирифтааст, изҳори қаноатмандӣ намуд.             Созмони мазкур соли 1924 таъсис ёфтааст. Ҳоло 172 давлати ҷаҳон аъзои созмони мазкур мебошанд.