ҲАМКОРИҲОИ ДУҶОНИБА ГУСТАРИШ МЕЁБАНД

             Душанбе, 17 октябр. (АМИТ «Ховар», Покиза Маҳмадбекова). — Имрӯз дар Душанбе Ҷаласаи сеюми ҳайати Тоҷикистону Австрия баргузор гардид. Дар ҷаласаи мазкур Вазири рушди иқтисод ва савдои ҷумҳурӣ Ғуломҷон Бобоев ва роҳбари муовини палатаи Австрия Рихард Шенс иштирок намуданд.            Таъкид гардид, ки ҳамкориҳои дуҷониба сол то густариш меёбанд. Мубодилаи мол байни ин ду давлат дар давоми нӯҳ моҳи соли равон 2,5 миллион доллари амрикоиро ташкил намуд, ки ин назар ба ҳамин давраи соли гузашта 1,5 маротиба зиёда аст. Аз ин мамалакати пуриқтидор ба Ҷумҳурии Тоҷикистон маводи хӯрока, доруворӣ ва мошину таҷизот ворид шудааст. Вале муттаасифона, имол аз ҷумҳурии мо Австрия ягон маҳсулот содир нагаштааст.Ҳоло дар ҷумҳурии мо корхонаҳои муштараки «Кӯлоб текстил» , «Мармар», «Панорама — 2003», «Худжанд пекинг», «Синде Хуҷанд» ва «Рахш» амал мекунанд.               Сипас вохӯрии намояндагони ҳарду кишвар баргузор гардид. Роҳбарони 50 корхонаи Тоҷикистон бо шарикони хориҷиашон масъалаҳои тавсияи хамкориро баррасӣ намуданд.