ҶАМЪОВАРИИ САБЗАВОТ

Душанбе, 3 октябр.(АМИТ «Ховар», Лаззат Диловарзод).- Соли ҷорӣ дар ҷумҳурӣ 328620 тонна сабзавот ҷамъоварӣ карда мешавад. Бино ба гуфти сардори Раёсати растанипарварии Вазорати кишоварзӣ Саймурод Баҳриддинов, ҷамъоварии 328 ҳазору 620 тонна сабзавот имкон медиҳад, ки сокинони ҷумҳурӣ бо сабзавот пурра таъмин шуда, барои замистони худ низ садҳо қуттӣ консерва тайёр намоянд. Боиси ёдоварист, ки соли ҷорӣ хоҷагиҳои ҷамъиятӣ ва деҳқонӣ (фермерӣ) дар майдони 13 ҳазору 214 гектар сабзавот кишт намуданд. . То 29 сентябр майдони 8 ҳазору 416,5 гектар аз сабзавот холӣ ва барои кишти тирамоҳӣ тайёр карда шудааст. Аз майдони зикршуда, 151 ҳазору 149,5 тонна сабзавот гирифта шуд, ки ин баробари 46 фоизи нақша мебошад.