АВВАЛИН КӮМАКИ БАШАРДӮСТОНА
Душанбе, 27октябр. (АМИТ «Ховар», Лаззат Диловарзод).- Имрӯз расонидани кӯмаки башардӯстона ба 70 ҳазор оилаҳои деҳқонии 19 ноҳияҳои вилояти Хатлон, ки аз зимистони соли гузашта зарар диданд, тақсим ва интиқоли тухмии хушсифату нурии минералӣ оғоз ёфт. Кӯмаки башардӯстона дар чаҳорчӯбаи барномаи «Таъмини фаврӣ бо озуқа ва ворид намудани тухмиҳо», ки мувофиқи Созишномаи байни Ҳукумати Ҷумҳурии Тоҷикистон, Ташкилоти озуқа ва кишоварзӣ (ФАО)-и Созмони Милали Муттаҳид ва Бонки Умумиҷаҳонӣ ба имзо расидааст, амалӣ мешавад. Лоиҳаи мазкурро ФАО, Вазорати кишоварзӣ ва Кумитаи ҳифзи табиати ҷумҳурӣ амалӣ менамоянд. Барои тақсим 5 намуди тухмии хушсифат интихоб гашт, ки 500 тоннаи он аз давлати Туркия ва 765 тонна аз ширкати маҳаллии Корхонаи истеҳсолии ба номи Латиф Муродови ноҳияи Ҳисор харидорӣ гардидааст. Барои оилаҳое, ки аз ин тухмӣ бархӯрдор мегарданд, ба андозаи 30 кг нурии минералӣ низ дода мешавад. Мақсад аз амалӣ намудани тадбирҳои андешидашудаи Ҳукумати Ҷумҳурии Тоҷикистон ва Вазорати кишоварзӣ, таъмини аҳолии кишвар бо истеҳсоли ғаллаи худӣ ва таъмини амнияти иқтисодии кишвар мебошад.
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
