БА КОРДОН КОР ОСОН

              Шаҳринав, 28 октябр. ( АМИТ «Ховар», Ҳотам Рабиев).- Кормандони ҷамъияти матлуботи ноҳияи Шаҳринав баҳри танқисӣ накашидан аз маводҳои сӯзишворӣ дар фасли зимистон ва таъмини амнияти озукаворӣ дар бозорҳои дохилии ноҳия ва сари вақт таъмин кардани аҳолии шаҳри Душанбе бо маҳсулоти кишоварзӣ аз қабили гӯшт, картошка, себ, хурмо, тадбирҳои судбахш меандешанд. Аз ҷумла онҳо то ин дам 700 тонна ангиштсанг, 60 тонна картошка , 60 тонна пиёз, 15 тонна хурмо, 5 тонна себро дар анборҳои ҷамъияти матлубот захира кардаанд. Дар дохили ноҳия дар 32 нуқта фурӯши маводи сӯзишворӣ ва дигар маҳсулоти хоҷагии қишлоқро ташкил кардаанд. Ду нуқтаи фурӯши гази моеъ фаъолият дорад. Бо ибтикори ҷамъияти матлуботи ноҳия дар бозори Шомансури шаҳри Душанбе ҳамасола 120 тонна гӯшт бо нархи нисбатан арзон фурӯхта мешавад. Тавре раиси ҷамъияти матлуботи ноҳия Абдусамад Ғуломов ба хабарнигори АМИТ «Ховар» иттилоъ дод, кормандони ҷамъияти матлубот мақсад доранд, ки рӯзҳои наздик боз як корхонаи равғанбарор сохта ба истифода диҳанд. Ҳамчунин дар назар аст, ки сохтмони чойхонаи нави ҳозиразамон шурӯъ гардад. Тибқи нақша ҷамъияти матлуботи ноҳия дар 10 гектар замин хоҷагии ёрирасон таъсис менамояд.