ДАР ШАҲРИ ХОРУҒ СОХТУМОНИ ИНШООТ ИДОМА ДОРАД

              Хоруғ, 17 октябр. (АМИТ «Ховар», Л. Додоев). — Имрӯзҳо дар Вилояти Мухтори Кӯҳистони Бадахшон бунёдкорию созандагӣ идома дорад. Тибқи Қарори Ҳукумати Ҷумҳурии Тоҷикистон аз 4 — уми июли соли 2008 барои рушди иқтисодиёт ва иҷтимоиёти ин вилоят 2 миллион сомонӣ ва баъди сафари расмии Президенти Ҷумҳурии Тоҷикистон Эмомалӣ Раҳмон ба Бадахшон ва навоҳии он боз 34 миллиону 180 ҳазор сомонӣ маблағи иловагӣ ҷудо шуд, ки ҳамаи ин маблағҳо ба хотири бунёдкориҳои ин вилоят равона гардидааст.              Тавре ба мухбири АМИТ «Ховар» аз Раёсати иқтисодии мақомоти иҷроияи маҳаллии ҳокимияти давлатии вилоят иттилоъ доданд, дар ВМКБ бунёди 186 иншоот идома дорад, ки 156 — тои он дар худи шаҳри Хоруғ мебошад.                                                                                                                                      Таҳрири П. Маҳмадбекова