ФАРҚИЯТИ МУЗДИ КОР

Душанбе, 7 октябр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, баробари зиёд шудани ҳаққи меҳнати кормандони соҳаҳои алоҳидаи саноату сохтмон, ҳаққи меҳнати кормандони соҳаҳои хоҷагии ҷангал ва кишоварзӣ дар моҳи июли соли 2008 аз ҳама камтар- мутаносибан 54, 46, -62,87 сомониро ташкил дод. Музди кори аз ҳама баланд дар соҳаи сохтмон- 671,24 сомонӣ, дар соҳаи алоқа – 576,94 сомонӣ, дар соҳаи нақлиёт- 513,64, дар соҳаи саноат – 441,32 сомонӣ муқаррар гардид. Дар байни соҳаҳои ғайриистеҳсолӣ музди миёнаи кори кормандони молия ва мақомоти қарзгузорӣ аз ҳама зиёд аст. Дар моҳи июли соли 2008 музди миёнаи кори онҳо 979,55 сомониро ташкил дод.