ГАНДУМИ РАШТУ РОҒУН ҶАМЪОВАРӢ ШУД

               Душанбе, 23 октябр. (АМИТ «Ховар», Лаззат Диловарзод).- Бино ба маълумоти фаврии Раёсати кишоварзии ҷумҳурӣ, дар ноҳияи Рашту шаҳри Роғун даравидану ҷамъоварии ҳосили гандум 100% анҷом ёфт.              Тибқи маълумотҳои оморӣ, соли равон ноҳияи Рашт дар масоҳати 3685 гектар ва дар шаҳри Роғун дар майдони1887 гектар гандум кишт карда шуд. Аз ин масоҳати киштшуда, дар ноҳияи Рашт 6892 тонна вадар шаҳри Роғун ба миқдори 2298 тонна гандум гирифта шуд.               Хоҷагиҳои деҳқонии ноҳияи Рашт ҳосилнокиро аз ҳар гектар ба 18,8 ва шаҳри Роғун ба 12,2 сентнерӣ расониданд, ки ин дар сатҳи ҷумҳурӣ нишондоди чандон баланд нест, аммо бо вуҷуди ин, хоҷагиҳои деҳқонии ин шаҳру ноҳия тавонистанд ҳосилро дар мавсим беталаф ҷамъоварӣ намоянд.