ИҶЛОСИЯИ НАВБАТИИ ВАКИЛОНИ ХАЛҚИ ВМКБ
Душанбе, 6 октябр. (АМИТ «Ховар», Мавҷуда Давлатзода).- Дар маркази Вилояти Мухтори Кӯҳистони Бадахшон шаҳри Хоруғ иҷлосияи 26 – уми вакилони халқи вилоят баргузор гардид. Дар он масъалаҳои марбут ба вазъи паҳн гардидани маводи нашъадор дар ҳудуди вилоят ва пешгирии ҷиноятҳои вобаста ба хариду фурӯши ғайриқонунии маводи нашъадор муҳокима шуданд. Сардори Раёсати назорати маводи нашъадори вилоят Муродҳусейн Алиёров дар ин бора маърӯза кард. Вай зикр намуд, ки дар давоми 2 солу 8 моҳи гузашта дар ҳудуди вилоят қариб 512 килограм маводи нашъадор, аз ҷумла 156 килограм героин мусодира карда шуд. Дар ин муддат 18 қочокчии маводи нашъадор, аз ҷумла 7 шаҳрванди Афғонистон дастгир намуда, ба мӯҳлатҳои гуногун аз озодӣ маҳрум карда шуданд. Ҳоло дар вилоят 757 нашъаманд ба қайд гирифта шудааст. Ба ақидаи нотиқ, сабабҳои асосии зиёд шудани нашъамандон ва афзудани қочоқи маводи нашъадор ҳал нагардидани проблемаҳои иҷтимоию иқтисодӣ, хеле осон будани ба даст овардани маводи нашъадор, душвориҳои вобаста ба ҳифзи сарҳади давлатӣ ва самараи ночизи тадбирҳои пешгирикунандаи ташвиқу тарғиби ҳаёти солим дар байни ҷомеа мебошанд. Вакилони мардумӣ пешниҳод намуданд, ки ташвиқу тарғиби тарзи ҳаёти солим аз ҷумла бо истифодаи воситаҳои ахбори оммавӣ ба таври доимӣ ва муташаккилона ба роҳ монда шавад. Ба роҳбарияти радиою телевизиони вилоят ва матбуоти маҳаллӣ супориш дода шуд, ки бахшида ба проблемаҳои нашъамандӣ мунтазам барномаҳо пахш намуда, хабару мақолаҳо чоп кунанд. Раёсати назорати маводи нашъадор вазифадор карда шуд, ки ҳамкориро бо мақомоти дигари ҳокимияти маҳаллӣ пурзӯр намояд.
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
