ИСТЕҲСОЛИ ҒАЛЛАДОНА ЗИЁД ШУД

            Душанбе, 23 октябр. (АМИТ «Ховар», Лаззат Диловарзод).- Дар давоми нӯҳ моҳи соли равон 774 ҳазору 941 тонна маҳсулоти ғалладонагӣ истеҳсол шуд, ки ин баробари 82,1% дурнаморо (943,8 ҳазор тонна) ташкил дод,- иброз дошт сардори Раёсати растанипарварии Вазорати кишоварзӣ Саидмурод Баҳриддинов ба мухбири АМИТ «Ховар».            Хоҷагиҳои ғаллакори ҷумҳурӣ дар ин муддат нисбат ба ҳамин давраи соли 2007 ба андозаи 6 ҳазору 836 тонна зиёд маҳсулоти ғаллагӣ ба даст оварданд, ки 46%-и он аз заминҳои обӣ мебошад.