КББС АЗ ТОҶИКИСТОН ИЗҲОРИ ҚАНОАТМАНДИ КАРД

            Душанбе, 15 октябр. (АМИТ «Ховар», Бекназари Абӯбакр). — Имрӯз мудири шӯъбаи мудофиа ва тартиботи ҳуқуқи Дастгоҳи иҷроияи Сарвари давлат Рамазон Раҳимов бо сардори Кумитаи байналмилалии Салиби Сурх дар Осиёи Марказӣ Ив Ҷованнони, муовини ӯ Рафаэло Мюллер ва сардори барномаҳои КБСС дар Тоҷикистон Саидмурод Ҷононаев мулоқот кард.            Дар мулоқот ҷараёни татбиқи барномаҳои КБСС дар Тоҷикистон, ҳамкориҳои минбаъдаи Ҳукумати Ҷумҳурии Тоҷикистон бо миссия душанбегии КБСС, роҳу усулҳои нави муносибатҳои дуҷониба, паҳн намудани донишҳои ҳуқуқӣ дар Қувваҳои мусаллаҳи Тоҷикистон, бахусус дар ҷузъу томҳои гвардияи миллӣ, қушунҳои сарҳадии Тоҷикистон ва ташрифот ба муассисаҳои ислоҳии Вазорати адлияи Ҷӯмҳурии Тоҷикистон мавриди муҳокимаи ваксеъ қарор дода шуданд.            Ҷонибҳо аз ҷараёни мулоқот изҳори қаноатмандӣ карданд.