КИШТИ САБЗАВОТ

               Душанбе, 27 октябр. (АМИТ «Ховар», Лаззат Диловарзод).- Дар Раёсати растанипарварии Вазорати кишоварзӣ ба мухбири АМИТ «Ховар» иттилоъ доданд, ки рафти кишти тирамоҳии сабзавот бо сабабҳои таъхири пахтачинӣ қафо мемонад.              Дар ҷумҳурӣ то 20 октябр аз 6 ҳазору 50 гектари барои кишти сабзавот пешбинишуда, ҳамагӣ 1549 гектар кишт карда шудааст, ки ин баробари 25,6 % мебошад.              Дар вилояти Суғд аз 800 гектари дурнамои барои кишти тирамоҳӣ пешбинишуда, -167, вилояти Хатлон аз 3700 гектар дар масоҳати 877 гектар ва дар ноҳияҳои тобеи ҷумҳурӣ аз масоҳати умумии 1550 гектар дар майдони 505 гектар кишти сабзавот гузаронида шудааст, ки ин чоряк фоизи дурнамои дар ҷумҳурӣ пешбинишуда мебошад.