КИШТИ САБЗАВОТ КАШОЛ МЕЁБАД

              Душанбе, 31 октябр. (АМИТ «Ховар», Лаззат Диловарзод).- Бино ба маълумоти Раёсати растанипарварии Вазорати кишоварзӣ, то 27 октябр дар ҷумҳурӣ аз 6 ҳазору 50 гектари дар дурнамои истеҳсолии хоҷагиҳои ҷамъиятӣ, деҳқонӣ ( фермерӣ) — нишондодашуда, дар масоҳати 2066 гектар кишти сабзавот гузаронида шудааст, ки ин иҷрои нақшаро баробари 34,1 фоиз таъмин мекунад.              Кишти сабзавот дар силояти Суғд нисбатан суст анҷом дода мешавад. Дар ин вилоят ба ҷои 800 гектар дар масоҳати 198 гектар кишти сабзавот гузаронида шудааст, ки ин баробари 24,8 фоиз мебошад.              Дар вилояти Хатлон аз 3 ҳазору 700 гектар дар масоҳати 1312 гектар ва дар ноҳияҳои тобеи ҷумҳурӣ аз 1150 гектар дар масоҳати 556 гектар кишти сабзавот гузаронида шудааст.