КИТОБИ АРЗИШМАНД

       Душанбе, 7 октябр. (АМИТ «Ховар». Лаззат Диловарзод).- Нашриёти «Раҳим Ҷалил» китоби нави рӯзноманигори варзида Ҳусейн Назруллоҳ «Афғонистон: оташ дар хонаи ҳамсоя»ро бо дастгирии раиси Вилояти Суғд Қоҳир Расулзода аз нашр баровард. Муаллиф баробари хотироти неки худ дар бораи дӯстон ва ҳамкоронаш дар Афғонистон, вазъи ташануҷзои давлати ҳамҷавори Афғонистон дар солҳои 80- уми қарни ХХ, марҳилаҳои шаклгирии сохторҳои ин кишвар зимни ташкили низоми нави давлатдорӣ ва мушкилоти низои дохили Афғонистон аз диди муаллиф баррасӣ шудааст. Китобҳои «Замини Акбар», «Роҳи муқаддас», «Некӯниҳод», «Баракати истиқлол» рӯйхати нопурраи ин қаламкаши оташинсухананд, ки ганҷинаи адабиёти муосири моро пурра мекунанд.