МАҲСУЛОТИ ПАСТСИФАТ БА КИШВАРИ ВОРИДКУНАНДА БАРГАРДОНИДА ШУД

               Душанбе, 29 октябр. (АМИТ «Ховар», Покиза Маҳмадбекова). — Кормандони Агентии стантартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон дар якчанд корхонаҳои хӯроки умумии ҷумҳурӣ санҷиш гузаронида, дар натиҷа 2700 килограмм чойи «Мақсад» ва «Империал», ки ба шаҳрванди Ҷумҳурии Исломии Афғонистон Саид Абдулқодир тааллуқ дошт бо сабаби ба стандартҳои давлатӣ ҷавобгӯй набуданаш дастгир намуда, ин маҳсулотро ба Афғонистон бозпас гардониданд.               Сармутахассиси маркази матбуоти Агентии давлатии «Тоҷикстандарт» Мирзовалӣ Абдуллозода ба мухбири АМИТ «Ховар» гуфт, ки дар баробари ин, як ҳазору 400 килограмм вафлии пастсифат, ки маҳсулоти Ширкати «Ширингул»-и Ҷумҳурии Исломии Эрон мебошад боздошт шуда, ба Эрон баргардонида шуд.