НОБОВАРӢ ДАР ҶАМЪОВАРИИ ПАХТА

           Душанбе, 24 октябр. (АМИТ «Ховар», Лаззат Диловарзод).- Дар вилояти Хатлон то 24 октябр 226 ҳазору 986 тонна пахта ҷамъоварӣ гардид, ки ин баробари 68, 4 фоизи дурнамои истеҳсоли пахтаи вилоятро ташкил медиҳад.           Рӯзи 20 октябр ба ҷуз ноҳияҳои Сарбанд, Кӯлоб ва Бохтар, ки мутаносибан ба андозаи 1,4, -1,1, ва 1 фоиз пахта чида шудааст, дар боқимонда 15 ноҳияи вилоят ба андозаи 0,3, — 0,4, ва 0,5 фоиз пахта ҷамъоварӣ гардид,ки миқдори умумии пахтаи чидашуда дар як рӯз 2070 тоннаро ташкил дод.           Дар сурати ҷамъоварии ҳаррӯзаи 2 ҳазор — 2 ҳазору 500 тонна ҳам, бари иҷрои ҷамъоварии 331 ҳазору 900 тонна пахтаи вилоят камаш боз 60 рӯзи тақвимӣ зарур аст, ки ин дар иҷрои ҷамъоварии пурраи пахта нобовариро ба вуҷуд меорад.