РОҲИ ОҲАНИ ТОҶИКИСТОН ВАГОНҲОИ НАВИ БОРКАШ ХАРИД

            Душанбе, 14 октябр. (АМИТ «Ховар», Марзия Саидова).- Корхонаи воҳиди давлатии «Роҳи оҳани Тоҷикистон» ба харидорӣ ва таъмири асосии локомотив, вагонҳои мусофирбару боркаш ва хати роҳ диққати аввалиндараҷа медиҳад. Дар ин радиф аз аввали сол то ин муддат дар корхона ба маблағи 35 миллион сомонӣ корҳои таъмири асосӣ ба сомон расонида шуда, дар доираи он 3 локомотив, 35 вагони мусофирбар, 150 вагони боркаш ва 30,1 км хати роҳи оҳан аз таъмири асосӣ бароварда шуданд.             Ҳамзамон дар ин давра корхона 8 вагони нави боркаш харида, нияти харидории боз 20 адад чунин вагонҳоро дорад.