САРМОЯИ «БОНКИ РУШДИ ТОҶИКИСТОН» ЗИЁД ШУД

                 Душанбе, 24 октябр. (АМИТ «Ховар», Покиза Маҳмадбекова). Дар ҶСП «Бонки рушди Тоҷикистон» маҷлиси васеи раёсат баргузор гардид, ки дар он натиҷаҳои фаъолияти бонки мазкур дар соли равон ҷамъбаст гаштанд. Агар сармояи эълоншуда то 1 октябри соли 2007 28 миллиону 775 ҳазору 305 сомониро ташкил медод, пас 1 октябри соли 2008 маблағи сармояи эълоншуда ба 59 миллиону 999 ҳазору 980 сомонӣ расид.                 Дороиҳои бонки мазкур ба андозаи 29 миллиону 295 ҳазору 586 сомонӣ афзуда 59 миллиону 772 ҳазору 702 сомониро ташкил доданд. Даромади Бонк бошад 5 миллиону 538 ҳазору 109 сомониро ташкил дод, ки ба андозаи 4 миллиону 985 ҳазору 519 сомонӣ нисбати соли 2007 зиёдтар аст.                 Вазъи хуби молиявии «Бонки рушди Тоҷикистон», хизматрасонии муҷтамеъ ва қулай, шаффофияти фаъолият чун пештара омили ҷалбкунанда барои амонатгузорон буда, афзоиши устувори базаи мизоҷон ва сандуқи пасандозӣ тасдиқӣ ин гуфтаҳо мебошад.