СОКИНИ НОҲИЯИ ҲИСОРРО БА ИВАЗИ 5 ҲАЗОР ДОЛЛАР ФУРӮХТАНД

        Душанбе, 7 октябр. (АМИТ «Ховар», Мавҷуда Давлатзода).- Кормандони милиса сокини шаҳри Истаравшан Гулнора Юсуфоваро ба фурӯши одамон гумонбар шуда дастгир намуданд. Аз рӯи натиҷаҳои тафтиши пешакӣ маълум шуд, ки Г. Юсуфова сокини ноҳияи Ҳисор Тоҷиддин Холиқовро фиреб карда, ба ӯ ваъда додааст, ки номбурдаро ба Туркия бурда бо кори серпул таъмин намояд. Г.Юсуфова ба Т.Холиқов гуфтааст, ки дар Туркия ширкати хусусӣ дорад ва ӯ дар ҳамон ширкат кор мекунад. Одамҷаллоб Т.Холиқовро ба Туркия оварда, ҳуҷҷатҳои ӯро гирифта, ба ивази 5 ҳазор доллари ИМА ба як ширкати бинокорӣ фурӯхтааст. Айни ҳол аз рӯи ин воқеа парвандаи ҷиноӣ кушода шуд ва тафтиши он давом дорад.