СУПОРИДАНИ САРИВАҚТИИ ИНШООТ

                Душанбе, 24 октябр. (АМИТ «Ховар», Лаззат Диловарзод).- Дар ҳамаи қитъаҳои роҳи автомобилгарди Душанбе — Чаноқ барои иҷрои корҳои сохтмонӣ аз ҷониби пудратчии асосӣ зиёда аз 418 адад механизму таҷҳизоти гуногуни роҳсозӣ сафарбар шудаанд.               Дар моҳи сентябр 2 ҳазору 83 нафар мутахассисон ва коргарон ба кор ҷалб карда шуданд, ки аз онҳо 449 нафарашон шаҳрвандони Ҷумҳурии Тоҷикистон мебошанд.              Айни замон дар масофаи 294,8 км қабати якум ва дар масофаи 272,1 км қабати дуюми роҳ мумфарш карда шудааст, -гуфт директори иҷрояи Маркази татбиқи лоиҳаи таҷдиди роҳи автомобилгарди Душанбе -Хуҷанд -Чаноқ Қодир Саидов ба мухбири АМИТ «Ховар».