ТУХМӢ АЗ ФОНДИ БОЗГАШТ

         Душанбе, 9 октябр. (АМИТ «Ховар». Лаззат Диловарзод).- Аз Маркази матбуот ва иттилоти Вазорати кишоварзӣ ба мухбири АМИТ «Ховар» иттилоъ доданд, ки захираи тухмии зироатҳои кишоварзӣ аз фонди бозгашти гандуми тухмӣ, дар хоҷагиҳои ҷамъиятӣ ва деҳқонӣ (фермерӣ)-и ҷумҳурӣ 47 ҳазор тоннаро ташкил медиҳад. Бо мақсади амалӣ гардонидани сиёсати аграрии Ҷумҳурии Тоҷикистон ва таъмини амнияти озуқавории аҳолии кишвар, бо дастгирии Ҳукумати ҷумҳурӣ ва фармони Вазорати кишоварзӣ оид ба харидорӣ намудани гандуми тухмии киштбоби ватанӣ аз ҳосили соли ҷорӣ гурӯҳи корӣ таъсис дода шуд. Ин миқдор захираи тухмӣ имкон медиҳад, ки соли ҷорӣ дар майдони 200 ҳазор гектар кишти гандуми тирамоҳӣ гузаронида шавад.