ЁРИИ БАШАРДӮСТОНА

         Душанбе, 8 октябр. (АМИТ «Ховар». Лаззат Диловарзод).- Бино ба маълумоти Кумитаи давлатии омор, дар моҳҳои январ – августи соли 2008 ба Ҷумҳурии Тоҷикистон 43 мамлакати хориҷи дуру наздик ба маблағи 70058 ҳазор доллар ё 25220 тонна ёрии башардӯстона расонид, аз он ҷумла: орд 11454 тонна, ё 6734 ҳазор доллар, равғани растанӣ 604 тонна ё 1355 ҳазор доллар, доруворӣ ба маблағи 20600 ҳазор доллар, либос ва пойафзол ба маблағи 3424 ҳазор доллар, инчунин маҳсулоти озуқа, кӯрпаю болишт, компютерҳо ва қиасмҳои эҳтиётӣ барои онҳо Аз ҷумлаи мамлакатҳои ёрирасон таносуби бештар аз рӯи арзиши ёрии башардӯстона: ба ИМА- 28,1 фоиз, Литва-6,1 фоиз, Ҷумҳурии Исломии Эрон- 4,2 фоиз, Ҷумҳурии Мардумии Чин -3,4 фоиз, Нидерланд ва Дания- 2,2 фоиз рост меояд.