ҒУЛОМҶОН БОБОЗОДА, АНДРЕС МАЛДОНАДО ВА ТИЕРИ БЕРТУЛЕ МУБОДИЛАИ АФКОР НАМУДАНД
Душанбе, 25 ноябр. (АМИТ «Ховар», Покиза Маҳмадбекова). — Имрӯз дар Вазорати рушди иқтисод ва савдои ҷумҳурӣ ҷаласаи ҳаштуми Кумитаи муштараки Иттиҳоди Аврупо ва Ҷумҳурии Тоҷикистон баргузор гардид. Дар кори он аз ҷониби Ҷумҳурии Тоҷикистон вазири иқтисод ва савдои ҷумҳурӣ Ғуломҷон Бобозода, намояндагони вазорату идораҳои дахлдори ҷумҳурӣ ва аз ҷониби Итиҳоди Аврупо сардори бахши Қафқози Шимолӣ ва Осиёи Марказӣ Андрес Малдонадо, директори кулл оид ба робитаҳои хориҷӣ Тиери Бертуле ва дигар намояндагони сафоратҳои хориҷӣ ширкат варзиданд. Дар ҷаласаи мазкур масъалаҳои асосӣ, аз қабили тафсири татбиқи стратегияи Иттиҳоди Аврупо оид ба Тоҷикистон, рушди макроиқтисодии Тоҷикистон дар солҳои 2007- 2008 ва дурнамои он, таҷдиди маълумот оид ба ислоҳоти бахшҳои асосӣ дар ҷумҳурӣ, масъалаҳои савдои хориҷӣ ва сармоягузорӣ мавриди баррасӣ қарор гирифтанд. Дар доираи кори ҷаласа намояндагони Тоҷикистону Иттиҳоди Аврупо оид ба вазъи иқтисодии ҷумҳурӣ ва роҳҳои асосии рушд, таҷдиди иттилоот оид ба татбиқи нақшаи энергетикӣ, амал ва ҳолати энергетикӣ, вазъи амнияти озуқаворӣ, пешрафт дар ислоҳоти замин ва масоили дигари ҳамкории дуҷониба мубодилаи афкор намуданд.
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
