ҲИФЗИ МУҲОҶИРОН ДАР ДОИРАИ ҚОНУНҲОИ БАЙНАЛМИЛАЛӢ

        Душанбе, 19 ноябр. (АМИТ «Ховар», Лаззат Диловарзод). — Дар давоми соли ҷорӣ Вазорати меҳнат ва ҳифзи иҷтимоии аҳолӣ дар самти рушди ҳамкориҳои байналхалқии соҳавӣ корҳои зиёдеро анҷом дод. Аз ҷумла, ҳамкориҳо бо ташкилоти Байналхалқии Меҳнат, Ташкилоти Байналхалқӣ оид ба муҳоҷират беҳтар гардид. Бо Кумитаи иҷроияи Иттиҳоди Давлатҳои Мустақил, Шӯрои сарони давлатҳои ИДМ, Шӯрои иқтисодии ИДМ, Иттиҳоди иқтисодии Евразия, Созмони Ҳамкориҳои Шанхай дар доираи қонунҳои байналмилалии муҳоҷират ва ҳифзи иҷтимоии муҳоҷирони меҳнатии Тоҷикистон созишномаҳои ҳамкорӣ ба имзо расонида шуд, — иброз доштанд дар вазорати мазкур ба мухбири АМИТ «Ховар».