ҲИНДУСТОН СЕРАҲОЛИТАРИН КИШВАРИ ҶАҲОН МЕШАВАД?

           Душанбе, 13 ноябр. (АМИТ «Ховар», Бекназари Абӯбакр). — Тоҷикистон аз лиҳози афзоиши шумораи аҳолӣ миёни кишварҳои собиқ Иттиҳоди Шӯравӣ мавқеи аввалро ишғол мекунад.                       Дар гузориши ба тозагӣ интишорнамудаи Бунёди нуфузи СММ пешгӯӣ шудааст, ки то соли 2050, ҳамасола аҳолии Тоҷикистон якуним дарсад афзоиш хоҳад ёфт.                      Дар баёния ҳамчунин омадааст, ки миёни кишварҳои собиқ Шӯравӣ нишондоди пасттарин оид ба тағйири шумораи аҳолӣ дар Молдова ба қайд гирифта шудааст.                       Гуфта мешавад, ки то соли 2050 теъдоди аҳолӣ дар сартосари ҷаҳон якуним баробар зиёд гардида, ба 9 миллиарду 200 миллион нафар хоҳад расид.                      Мувофиқи пешгӯии СММ, камтар аз ним аср баъд Ҳиндустон аз лиҳози афзоиши шумораи аҳолӣ аз Ҷумҳурии Мардумии Чин пеш гузашта, унвони сераҳолитарин кишвари оламро касб мекунад.                     Бояд зикр намуд, ки айни замон Ҳиндустон 1 миллиарду 200 ҳазор ва Чин 1 миллиарду 300 ҳазор нафар аҳолӣ доранд.