ҲОЛАТИ ТЕХНИКАИ КИШОВАРЗӢ ҲАНӮЗ ҲАМ ТАШВИШОВАР АСТ

Душанбе, 10 ноябр. (АМИТ  «Ховар»,  Лаззат Диловарзод).- Бино ба гуфтаи вазири кишоварзии ҷумҳурӣ Қосим Қосимов, дар давоми нӯҳ моҳи соли ҷорӣ ба ҷумҳурӣ зиёда аз 730  адад трактору комбайн ворид карда шудааст. Аз ин ҳисоб 394 ададашро тракторҳои шудгоркунанда ташкил медиҳанд, ки нисбат ба ҳамин давраи соли гузашта 155 адад зиёд мебошад.            Дар давоми сол дар хоҷагиҳои ҷумҳурӣ 16 ҳазору 617 адад трактор ба ҳисоб гирифта шудааст, ки аз ин 10 ҳазору 561 ададаш омодаи кор буданд.             Аз 3303 трактори шудгоркунанда- 1903, аз 708 комбайни ғалладарав- 401, аз 96 комбайни ҷуворимаккағундор- 33 аз 4 ҳазор испори тракторӣ- 2750 ва аз 4280 адад култиваторои тракторӣ 3200 ададашон омодаи кор буданд, ки бо ин миқдор техника соҳаи кишоварзиро   тараққӣ додан аз имкон беру наст.