БАРРАСИИ ПРОБЛЕМАҲО ВА ИМКОНИЯТҲОИ АФҒОНИСТОН

           Душанбе, 26 ноябр. (АМИТ «Ховар», Покиза Маҳмадбекова).- 28 — уми  ноябр дар Душанбе дар мавзӯи  «Вазъи имрӯза, проблемҳо ва имкониятҳои густариши тиҷорати наздисарҳадӣ дар байни Тоҷикистону Афғонистон» конфронси ҷумҳуриявӣ гузаронида мешавад. Онро Вазорати рушди иқтисод ва савдои Ҷумҳурии Тоҷикистон, Ҷамъияти ҳамкории техникии Олмон ва  созмони «Миллал- Интер» — и Афғонистон баргузор месозанд. Дар конфронс намояндагони вазоратҳои дахлдор ва  минтақаҳои наздисарҳадии Тоҷикистону Афғонистон, созмонҳои байналхалқӣ ва сафоратхонаҳои  хориҷӣ ширкат меварзанд.            Иштирокчиёни конфронс роҳу усулҳои густариш додани хариду фурӯши молро дар минтақаҳои наздисарҳадӣ ва  умуман, вусъат додани ҳамкории иқтисодии ҳар ду мамлакати ҳамсояро баррасӣ хоҳанд кард.