БОЗ ЯК АМАЛИ НЕКИ ФОНДИ ҶАМЪИЯТИИ ХАЙРИЯИ ТОҶИКИСТОН

        Душанбе, 27 ноябр. (АМИТ «Ховар», Дилшодаи Ҷонмард). — Рӯзи 25-уми ноябри соли 2008 ба мактаб-интернати ҷумҳуриявӣ барои кӯдакони ятими шаҳри Кӯлоб 180 адад ва 26-уми ноябри соли 2008 ба мактаб-интернати ёрирасони №1-и шаҳри Кӯлоб 120 адад курткаҳои сабуки кӯдакона тақдим гашт.         Кӯмак ба кӯдакон дар шароити тантанавӣ, бо иштироки намояндаи Фонд А.Акрамов, муовини мудири Шӯъбаи маорифи шаҳри Кӯлоб А. Мазарипов, роҳбарият ва тарбиятгирандагони мактаб-интернатҳои мазкур ва телевизиони маҳаллӣ супорида шуд. Бояд гуфт, ки Фонди ҷамъиятии хайрияи Тоҷикистон минбаъд низ вобаста ба имкониятҳои худ муассисаҳои эҳтиёҷманди ҷумҳуриро дастгирӣ хоҳад намуд.