ДАР 221 НУҚТА ЧОРВОРО СУНЪӢ БОРДОР МЕКУНАНД

    Душанбе, 20 ноябр. (АМИТ «Ховар», Лаззат Диловарзод).- Тибқи маълумоти Кумитаи давлатии омор, айни замон дар миқёси ҷумҳурӣ 49 адад хоҷагии зотпарварӣ фаъолият дорад.     Бо мақсади беҳтар намудани зоти чорво дар миқёси ҷумҳурӣ 221 нуқтаи бордоркунии сунъӣ, аз ҷумла 176 нуқтаи доимоамалкунанда ва 45 нуқтаи сайёр ташкил карда шудааст. Аз ин шумора 74 адад дар хоҷагиҳои ҷамъиятӣ, 102 адад нуқтаҳои доимоамалкунанда ва 45 нуқтаи сайёр дар хоҷагиҳои шахсӣ фаъолият доранд.      То 1-уми октябри соли ҷорӣ дар ҳамаи шаклҳои хоҷагидории ҷумҳурӣ як миллиону 758 ҳазору 958 сар чорвои калони шохдор ва 4 миллиону 5 ҳазору 168 сар чорвои майда мавҷуд аст.