ДАР ШАҲРИ ВАҲДАТ ҚАРИБ 20 ҲАЗОР ТОННА ХӮРОКИ ЧОРВО ЗАХИРА КАРДАН

       Душанбе, 19 ноябр. (АМИТ «Ховар», Лаззат Диловарзод). — Ба гуфти раиси шаҳри Ваҳдат, узви Маҷлиси миллии Маҷлиси Олӣ Анвари Вайсиддин, асоси иқтисодиёти шаҳри Ваҳдатро соҳаи аграрӣ ташкил медиҳад.      Соли ҷорӣ кишоварзони шаҳр дар ҳамаи сохторҳои хоҷагидорӣ дар майдони 17 ҳазору 584 гектар кишти зироатҳои тирамоҳӣ ва баҳорӣ гузаронида, нақшаи киштро 100 фоиз иҷро намудаанд. То 10 — уми ноябр ҷамъоварии ҳосил аз майдони 8540 гектар зироатҳои ғалладонагӣ, 951 гектар картошказор, 1948 гектар замини сабзавот, 194 гектар полезиҳо, 870 гектар зағир, 27 гектар тухми сабзавот ба охир расид. Баробари мусоид гаштани обу ҳаво ҷамъоварии пахта аз майдони 2582 гектар ва боқимондаи зироатҳои хӯроки чорво аз майдони 2475 гектар идома дода мешавад. Ҳоло захираи хӯроки чорво ба 18883 тонна расонида шудааст.