ДАР ВАҲДАТ САРШУМОРИ ПАРРАНДА 3,4 БАРОБАР АФЗУДААСТ

       Душанбе, 25 ноябр. (АМИТ «Ховар», Лаззат Диловарзод).- Бино ба суханони сардори кишоварзии ноҳияи Ваҳдат Ҷамолиддин Сафаров, дар даҳ моҳи соли ҷорӣ дар ҳамаи сохторҳои хоҷагидорӣ 62 ҳазору 212 сар чорвои калони шохдор, 116 ҳазору 537 сар бузу гӯсфанд, 233 ҳазору 646 сар парранда, 1150 сар асп, ва 7 ҳазору 55 оилаи замбӯри асал парвариш карда мешавад.     Дар муқоиса бо ҳамин давраи соли гузашта, саршумори чорвои калон 26,8 фоиз, моли майда 55,8 фоиз, саршумори парРанда 3,4 баробар, афзудааст. Дар ин муддат 3201 тонна гӯшт, 7976 тонна шир, 3 млн. 418 ҳазор дона тухм, 50,4 тонна пилла, 27 тонна асал, 34 тонна пашм истеҳсол карда шудааст, ки нисбат ба ҳамин давраи соли гузашта зиёд мебошад.