КАРТОШКАИ ТУХМӢ ЗАХИРА КАРДА ШУДААСТ

             Душанбе, 28 ноябр. (АМИТ «Ховар», Лаззат Диловарзод).-Бино ба маълумоти фаврии Раёсати растанипарварии Вазорати кишоварзӣ, дар хоҷагиҳои ҷамъиятӣ ва деҳқонӣ (фермерӣ)-и катошкапарвари ҷумҳурӣ барои кишти тирамоҳи соли 2008 ва баҳори соли 2009 беш аз 38 ҳазор тонна картошкаи тухмӣ захира карда шудааст. Бо ҷамъоварӣ шудани ҳосили тирамоҳии картошка, аксари хоҷагиҳо картошкаи тухмии аз фонди бозгашт гирифтаашонро баргардониданд.  Аз 38 ҳазору 800 тонна картошкаи тухмӣ 226 тоннааш аз ҳисоби фонди бозгашт мебошад. Хунукии шадиди зимистони соли 2008 кишти картошкаи тирамоҳи соли 2007-ро нобуд сохт. Мутахассисон сард омадани зимистони соли 2009-ро низ пешгӯи кардаанд, аз ин рӯ, онҳо кишти барвақтии баҳории картошкаро тавсия мекунанд, гарчи дар баъзе хоҷагиҳои вилояти Хатлон кишти тирамоҳии картошка гузаронида шудааст. Захираи картошкаи тухмӣ баро кишти соли 2009 пурра мерасад.