КИШТИ ГАНДУМ АЗ ПОРСОЛА ПЕШ ГУЗАШТ

Душанбе, 7 октябр. (АМИТ  «Ховар»,  Лаззат Диловарзод).-    Дар Вазорати кишоварзӣ ба мухбири АМИТ «Ховар» иттилоъ доданд, ки дар ноҳияҳои Тавилдара, Тоҷикобод ва Ҷиргатол кишти тирамоҳии зироатҳои ғалладона нисбат ба ҳамин давраи соли 2007 пештар оғоз ёфт.                Тибқи нақшаи хоҷагиҳои деҳқонӣ (фермерӣ)-и ин ноҳияҳо, кишти гандум асоси кишти тирамоҳиро нисбат ба дигар зироатҳо ташкил медиҳад.                 Ҳоло ноҳияи Тавилдара аз масоҳати 940 га дар майдони 10 га, ноҳияи Тоҷикобод аз масоҳати 1870 га дар масоҳати 150 га ва ноҳияи Ҷиргатол аз масоҳати 1500 гектари дар дурнамои ноҳия нишондодашуда дар масоҳати 200 га кишти гандум анҷом додаанд, ки  ин нисбат ба ҳамин давраи соли гузашта мутаносибан 10, 150 ва 100 гектар зиёд аст.