КИТОБИ НАВИ ДАРСӢ БАРОИ ДОНИШҶӮЁН

         Душанбе, 28 ноябр. (АМИТ «Ховар», Лутфия  Эшонқулова). – Нашриёти «Нодир»  китоби  нави   дарсиро  бо  номи  «Назарияи  функсияҳои таҳлилӣ»  аз  чоп  баровард, ки  барои  донишҷӯён ва  аспирантҳои  мактабҳои олии  ҷумҳурӣ   пешбинӣ карда шудааст. Раиси  Кумитаи  давлатии   омори  Тоҷикистон,  академик  Мерган Шаҳбозов  ба  мухбири  АМИТ  «Ховар»  хабар  дод, ки   китоби  нав  асосҳои   назариявии функсияҳои   таҳлилиро  дар  бар  мегирад. Ду  боби  иловагии он  ба  мавзӯъҳои  баробарии  диференсиалӣ  бахшида  шудаанд. Муаллифони  китоб  раиси  Кумитаи  давлатии  омори Тоҷикистон М.Шаҳбозов ва  ректори  Донишгоҳи давлатии  Хоруғ,  профессор Г.Ҷангибеков   мебошанд.