МУЛОҚОТИ ЭМОМАЛӢ РАҲМОН БО ҶОРҶ КРОЛ

Имрўз 11 ноябри соли 2008 Президенти Ҷумҳурии Тоҷикистон Эмомалӣ Раҳмон Муовини ёвари Котиби давлатии Иёлоти Муттаҳидаи Амрико Ҷорҷ Кролро ба ҳузур пазируфт.Дар мулоқот масоили ҷорӣ ва дурнамои ҳамкории Тоҷикистону Амрико баррасӣ шуд.Сарвари давлат Эмомалӣ Раҳмон аз пайвастагии робитаҳои сиёсӣ ва густариши муносибатҳои ду кишвар изҳори қаноатмандӣ карда, аз ҷумла таъкид дошт: «Тоҷикистону Амрико шарикони муҳим дар мубориза бар зидди хатарҳои ҷаҳонӣ дар минтақаи васеи Осиёи Марказианд».Қаноатмандӣ ҳамчунин аз ҳамгироиҳои босамари сохторҳои низомӣ ва мақомоти ҳифзи ҳуқуқи ду кишвар изҳор карда шуд.Таваҷҷўҳи зиёд ба зарурати густариши ҳамкориҳои иқтисодӣ зоҳир гардид, аз ҷумла баҳри аз худ намудани захираҳои фаровони гидроэнергетикӣ ва истихроҷи газу нафти Тоҷикистон.Гуфтугў атрофи авзои кунунии Афѓонистон, бозсозии иқтисодиёти он ва рушди ҳамкориҳои минтақавӣ дар Осиёи Марказӣ низ аз мавзўъҳои асосии сўҳбат буд.Зимни сўҳбати пурмўҳтаво ҷонибҳо ҳавасмандии худро баҳри таҳкиму густариши минбаъдаи ҳамкориҳои барои ҳарду ҷониб судманд таъкид намуданд.  Дар ин бора ба АМИТ  "Ховар" аз хадамоти матбуоти Сарвари давлат иттилоъ доданд.