ОФАРИДАҲОИ НАВИ ОЛИМОНИ ТОҶИК

Душанбе, 26 ноябр. (АМИТ «Ховар», Лаззат Диловарзод).- Олимони соҳаи кишоварзӣ дар хоҷагиҳои таҷрибавӣ пахтаи миёнанахи навъҳои «ВД-11», «Нозирӣ», «Неъмат», гандуми мулоимдонаи навъҳои «Ориён» ва «Сомонӣ», мушунги навъи  «Серҳосил», пахтаи маҳиннахи навъи «748-В», нахӯди навъи «Ҳисор- 32», наски навъи «Ҳисор- 1» ва «Ҳисор- 5»- ро ҳамчун навъҳои ояндадори озмудашуда барои кишт пешниҳод намуданд. Олимони соҳаи боғдорию сабзавоткорӣ бошанд, навъи ноки «Зарнисор» ва навъи шафтолуи «Гулизард»- ро барои истифодабарӣ пешниҳод карданд. Ду навъи картошка – «Мӯъминобод» ва  «Файзобод», ки натиҷаи фаъолияти якҷояи олимони Пажӯҳишгоҳи боғпарварию сабзавоткорӣ ва Пажӯҳишгоҳи физиологияи растаниҳо ва генетикаи Академияи илмҳои Тоҷикистон аст, ба вуҷуд оварда шуд,- иброз дошт котиби илмии Академияи кишоварзӣ Давлатҷон Комилзода ба мухбири АМИТ «Ховар».