ПРЕЗИДЕНТИ ТОҶИКИСТОН БА ҚАТАР РАФТ

              Душанбе, 29 ноябр. (АМИТ «Ховар», Темур Бандишоев).- Президенти Ҷумҳурии Тоҷикистон Эмомалӣ Раҳмон баъди чошти 28 ноябр баъди анҷоми сафараш ба Эрон аз Теҳрон ба Давлати Қатар рафт. Вай дар ин ҷо дар мулоқоти сарони давлатҳои аъзои СММ бахшида ба масъалаҳои вобаста ба бӯҳрони ҷаҳонии молиявӣ ва конфронси байналхалқӣ бахшида ба афзун гардондани сармоягузорӣ иштирок хоҳад кард. Ҳадафи конфронси мазкур мусоидат ба амалӣ сохтани паймонҳои дар Маҷмаи кулли СММ бадастомада мебошад.             Хабар дода мешавад, ки Президенти Тоҷикистон дар Қатар силсилаи мулоқотҳо анҷом хоҳад дод. Вай аз ҷумла, дар ин ҷо бо Муншии умумии СММ Пан Ги Мун, Амири Давлати Қатар шайх Ҳамод ибни Халифа Оли Сонӣ, сарварзир ва вазири корҳои хориҷии ин мамлакат шайх Ҳамод ибни Ҷосим Оли Сонӣ, вазири молия, иқтисод ва тиҷорати Қатар Юсуф Ҳусайни Камол, сарони давлатҳо ва намояндагони созмонҳои байналхалқӣ мулоқот хоҳад кард.                                                                                                                                                                      Тарҷумон — Қудратов А.